الطريقة السرية لعمل وتحضير الفراخ الكنتاكي في البيت

مقدمة: هي من عبارة عن فراخ مقرمشة بتتبيلة كنتاكي الخاصة المشهورة على مستوى العالم و التي يحبها الجميع

الكمية: تكفي لعدد 4 اشخاص

مده التحضير: يوم كامل لتتبيل الفراخ
مده الطبخ: حوالى ساعة

المقادير التتبيلة: 

فرخة مقطعة ثمان قطع
2 علبة زبادى
معلقة صغيرة جنزبيل
معلقة صغيرة ثوم بودر
معلقة صغيرة بصل بودر
عصير ليمونة
معلقة صغيرة ملح
معلقة صغيرة شطة بودر (اختياري)
معلقة صغيرة زعتر
معلقة صغيرة مسترده
معلقة صغيرة بابريكا
معلقة كبيرة صويا صوص
حوالى 4 ورقات لورة مكسرة لقطع صغيرة

مقادير خلطة كنتاكي :

- ٢ كوب دقيق
-١ كوب نشا ذرة
- نصف كوب كورن فليكس مكسر لقطع صغيرة
- ٢ معلقة صغيرة بابريكا
- ٢ معلقة صغيرة كمون
- ٢ معلقة صغيرة ملح
- ٢ معلقة صغيرة زعتر
- ٢ معلقة صغيرة سكر بنى مطحون
- ٢ معلقة صغيرة بهارات فراخ
- ٢ معلقة صغيرة بيكينج بودر
- معلقة كبيرة شطة رقائق او شطة بودر
- ٢ بيضة
- نصف كوب لبن

الطريقة: 

- يتم غسل الفراخ جيدا بالماء و الملح و الليمون و الدقيق.
- يتم نقع الفراخ فى طبق عميق به ماء و القليل من الملح و يتم وضعه فى الفريزر لمدة نصف ساعة ليساعدنا فى تسوية الفراخ و بعد ذلك نصفى الفراخ من الماء و نقوم بعمل شقوق فى الفراخ بالسكين ليساعدنى فى التسوية و لكى تمتص الفراخ التتبيلة جيدا و نبدأ فى تحضير التتبيلة.
- فى طبق غويط نقوم بوضع جميع مكونات التتبيلة و يتم مزجها جيدا بالمضرب اليدوي و بعد ذلك نضع فيها الفراخ و نقلبها جيدا فى التتبيلة و نغطى الطبق بالفويل و ندخله الثلاجة ليلة كاملة حتى تمتص الفراخ التتبيلة جيدا و اذا كنتي مستعجلة يتم وضعها فى الثلاجة على الأقل اربع ساعات قبل القلى.
- يتم اخراج الفراخ فى طبق خارجي و نحضر طبق نخلط فيه اللبن و البيض جيدا و نحضر طبق عميق نضع فيه جميع مكونات خلطة كنتاكي و نخلطها جيدا بالمضرب اليدوي.
- بعد ذلك نضع الفراخ فى الخلطة و نقلبها جيدا فيها و نعمل ذلك مع جميع قطع الفراخ و نضعها فى طبق على جنب
- بعد ذلك نضع الفراخ فى طبق البيض و اللبن و نقلبه جيدا و نضعه مره اخرى فى الخلطة و نقلبه جيدا لتكوين طبقة سميكة من الخلطة و نعمل ذلك مع جميع قطع الفراخ و بعد ذلك نضعها فى طبق و ندخلها الثلاجة لمدة نصف ساعة قبل القلى.
- نخرج الفراخ من الثلاجة و نقوم بوضع طاسة صغيرة وعميقة على نار عالية و نملأ نصفها زيت.
- عند غلى الزيت نهدئ النار على اخر درجة و نبدأ بوضع قطع الفراخ فى الزيت و نغطى الطاسة و نقوم بتقليب الفراخ من وقت لأخر و تأخذ حوالى ربع ساعة لإتمام سوا الفراخ و نضعه فى طبق فيه.

ــــــــــــــــــــــــــــــــــــــــــــــــــــــــــــــــــــــ

كتبت بواسطة
رئيسة قسم الطبخ نورا مدحت

مجلة انتي