نصائح مهمة قبل انقاص الوزن
طبيعه اجسامنا تختلف من شخص لاخر حسب وزنه وسنه وطوله بنختلف فى شكل اجسامنا ففى اجسام على شكل التفاحة واللى بيكون السمنه او تمركز الدهون اكثر بمنطقة البطن وايضا شكل الكمثرى وده بيكون الدهون متمركزه فى الارداف والجسم اللى يشبه الساعة الرملية والجسم الاسطوانى الرفيع
ويجب ان نعرف ان طبيعة الجسم لن تتغير لانها نتيجة عوامل وراثية ليس لنا دخل فيها ولكن من الممكن تحسين الشكل عامه عن طريق اتباع الحمية المناسبة ايضا الرياضة لها دور كبير فى تحسين المظهر الخارجى للجسم
يجب ان نفهم اولا ان لكى تبدا رحله انقاص الوزن يجب ان نعرف ان الهدف ليس رقم ميزان..... لماذا؟
لان جسمنا عباره عن مكونات مختلفة من دهون وعضلات ومياه وعظام الخ وبالتالى يجب ان نهتم اكثر بان تكون مكونات جسمى فى معدلاتها الطبيعية.
مثال بسيط لو امامى شخصين وزنهم ٩٠ كجم
الاول رياضى ومعظم تكوين جسمه من العضلات والثانى يعانى من البدانة ,الاثنين شخصين مختلفين من حيث الشكل وكمان الصحه العامة الشخص, الاول لا يعانى من مشاكل صحيه بل بلعكس رياضى وجسمه غير مترهل وصحى والاخر يعانى من البدانه ومشاكل الصحيه المصاحبة للبدانه بالاضافه يعانى من الترهلات بالرغم ان الشخصين نفس رقم الميزان وبالتالى فان الرقم فى حد ذاته ليس مقياس وولذلك يجب معرفة ما هى طبيعه مكونات جسمى اولا.
اولا نسبه الدهون فى الجسم
.فى السيدات المفروض ان يكون ثلث وزنها من دهون تقريبا ٢٥-٣٠٪ والرجال ربع وزنها من الدهون ١٨-٢٤٪
ثانيا العضلات
يجب ان تكون فى معدلاتها الطبيعية بمعنى لو الشخص بيعانى ضمور فى العضلات يبقى لازم يشتغل على زياده عضلاته حتى ولو ستزيد رقم الميزان .
وفى بعض الحالات بيكون الشخص محتاج يقل عدد كيلو جرامات من الدهون فى المقابل محتاج يزيد نفس عدد الكيلو جرامات من العضلات وبالتالى النتيجه النهائية على الميزان بتكون ثابتة .
مهم ايضا ان تكون نسبه المياه فى الجسم تكون مظبوطه لا ان يكون جسمى فى حاله جفاف -وغالبا بيكون مصاحب لنقص العضلات فى الجسم -وايضا لا يكون هناك زيادة او احتباس للمياه زائد عن الطبيعى.
بقلم الدكتورة بسنت صالح
بسنت صالح هي اخصائي تغذية علاجية وصحه عامه.
تخرجت بسنت من كلية طب جامعه الاسكندرية 2006 وحصلت علي ماجستير التغذية العلاجية والصحة العامة،
حصلت دكتورة بسنت صالح على شهادة دبلوم التغذية والصحة العامة - جامعة الاسكندرية سنة ٢٠٠٩ بالاضافة الي شهادة معتمدة من الاتحاد العالمى للسمنة فى دراسة وعلاج السمنة، وقامت بعدها بالحصول على عدة شهادات فى حقن واذابه الدهون (الميزوثيرابى)و
في الوقت الحالي بسنت عضو الجمعية المصرية لدراسه وعلاج السمنه وعضو الاتحاد الدولى للسمنة “World Obesity “Federation
تعليقات
إرسال تعليق